面試題目 · 小朋友 · 18 題
情境題
情境題考嘅係解決問題同品德。教小朋友用「三步曲」：① 我會覺得點（感受）② 我會點做（行動）③ 我會搵邊個幫手（求助）。答到兩步已經好好。
同學相處
1同學搶咗你嘅玩具，你會點做？
考咩情緒控制
點答唔搶返 → 講出感受 → 搵老師
示範（用作參考，唔好背）
我會同佢講『呢個係我先玩嘅，我哋可以輪流玩』，如果佢唔肯，我會話俾老師知。2見到同學跌倒喊，你會點做？
考咩同理心
點答扶佢 → 問佢痛唔痛 → 叫老師
3同學話唔同你玩，你會點？
考咩抗逆
點答問佢可唔可以一齊玩 → 唔得就搵其他朋友
4你唔小心撞到同學，你會點做？
考咩承擔
點答即刻講對唔住 → 問佢有冇事
5同學攞咗你嘅鉛筆冇還，你會點？
考咩表達
點答有禮貌咁問返 → 唔得就搵老師
6小組玩遊戲輸咗，你會點？
考咩輸得起
點答講「唔緊要，下次再努力」，恭喜贏嘅同學
日常解難
7你打爛咗屋企嘅杯，你會點做？
考咩誠實
點答唔掂玻璃 → 話俾大人知 → 講對唔住
示範（用作參考，唔好背）
我會企定定唔掂啲玻璃，即刻話俾媽媽知，同佢講對唔住，下次會小心啲。8放學落大雨但冇帶遮，點算？
考咩解難
點答喺學校等 → 請老師幫手打電話俾屋企人
9你唔識做功課，你會點？
考咩求助
點答再睇一次 → 問爸爸媽媽或者聽日問老師
10你好肚餓但未到食飯時間，點算？
考咩自我控制
點答同大人講 → 等一陣 / 飲啲水
11你喺課室搵唔到自己嘅水樽，點做？
考咩解難
點答諗吓放咗喺邊 → 問同學 → 搵老師
12老師派錯咗兩份工作紙俾你，你會點？
考咩誠實
點答舉手話俾老師知，還返一份
安全
13喺商場同媽媽失散咗，你會點做？
考咩安全意識
點答企喺原地 → 搵穿制服嘅職員或者保安 → 講出媽媽電話
示範（用作參考，唔好背）
我會企喺度唔亂走，搵商場穿制服嘅姐姐幫手，同佢講媽媽嘅電話號碼。14有陌生人俾糖你食，叫你跟佢走，點算？
考咩自我保護
點答講「唔要」→ 即刻走去搵爸爸媽媽
15過馬路見到綠色公仔閃緊，你會點？
考咩交通安全
點答唔好衝過去，等下一次綠燈
16聽到火警鐘響，你會點做？
考咩安全
點答跟老師排隊、唔好返轉頭攞嘢、唔好搭𨋢
17你見到地下有垃圾，你會點做？
考咩公德心
點答執起掉入垃圾桶，之後洗手
18喺巴士上見到婆婆冇位坐，點做？
考咩禮貌
點答讓座 → 講「婆婆請坐」
要做
- 用布公仔演一次情境，小朋友更易代入
- 追問「然後呢？」練習講多一步
- 讚小朋友諗到求助
要避免
- 只接受一個「標準答案」
- 用恐嚇方式教安全
- 問得太快，唔俾時間諗
題目整理自公開面試分享及常見題型，唔代表任何學校實際考核內容；示範答案只作參考，請按小朋友真實情況作答。